आज २०८१ साल कात्तिक १३ गते मंगलबार तदनुसार सन् २०२४ अक्टोबर २९ तारिख। कात्तिक कृष्ण पक्षको द्वादशी तिथि। प्रदोष व्रत। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।ईकापी न्यूजका लागि ज्याैतिषाचार्य तथा वास्तु विद् माधवा शर्माले तयार पार्नुभएको आजको फलादेशः
मेष राशि – व्यवसायिक योजनाहरू बन्ने छन्। आर्थिक पक्ष बलियो हुनेछ। अतिथिको स्वागत सत्कार गर्नु पर्ला। व्यवसायिक सफलता मिल्नेछ। सम्मानयुक्त आतिथ्यता प्राप्त होला।
वृष राशि – धार्मिक यात्रा हुनेछ। आज दिन मध्यम फलदायी रहला। पारिवारिक साथले मन प्रसन्न हुनेछ। कूटनीतिक सफलता मिल्नेछ। व्यवसायमा मनग्य आम्दानी होला।
मिथुन राशि – मानसिक भयले सताउला। आर्थिक संकट आउन सक्छ। शरीरमा आलस्य छाउनेछ। व्यवसाय सोचेअनुसार सफल हुनेछैन। बोल्दा विचार गर्नुहोला। स्वास्थ्य विग्रन सक्नेछ।
कर्कट राशि – शत्रु क्षय हुनेछन्। अधुरा कार्यहरू पूर्ण हुनेछन्। राज्यबाट सम्मान प्राप्त होला। वित्तीय संस्थाबाट फाइदा हुनेछ। कृषकहरूको लागि आज सफलतादायी दिन रहनेछ। शैक्षिक सफलता पनि प्राप्त होला। मित्र सहयोगले कार्य सम्पन्न हुनेछ।
सिंह राशि – रोजगारका अवसर मिल्नेछन्। आफ्नै प्रयासमा कार्य सम्पादन हुनेछन्। दिन मध्यम फलदायी रहला। सामाजिक तथा धार्मिक कार्यमा रुचि बढ्ला। दैनिक कार्यमा सफलता मिल्नेछ। बुद्धिको सही प्रयोगले कार्यमा केही सहजता आउला।
कन्या राशि – गरेका कार्यहरूमा सफलता मिल्ला। सोचेअनुरूप कार्यले तीव्रता पाउनेछ। आफन्तको साथ सहयोगले सहजता छाउला। व्यवसाय राम्रो रहला। स्वास्थ्यमा सुधार हुनेछ।
तुला राशि – स्वास्थ्यमा धन खर्च हुनेछ। सुख-दुःख, हाँसो-खुसी, लाभ-हानि बराबर प्राप्त होला। आत्मबल अलि बढाएर अगाडि बढ्नुपर्ने दिन रहेको छ। झिना-मसिना कार्यमा अल्झिएर समय बित्नेछ। प्रेमी-प्रेमिका बीच सुमधुर सम्बन्ध रहला।
वृश्चिक राशि – आँटेका कार्यहरू पूर्ण हुनेछन्। धर्मकर्ममा मन लाग्ला। शुभ कर्मको चर्चा चल्नेछ। आज भाग्यले साथ दिनेछ र विभिन्न अवसरहरू प्राप्त हुनेछन्। पारिवारिक तथा मित्र सहयोगले केही सहजता हुनेछ।
धनु राशि – शुभ समाचार सुन्न पाइएला। धन र प्रतिष्ठा प्राप्त होला। आयआर्जनका स्रोतहरू बढ्नेछन्। व्यवसाय फस्टाउँदै जानेछ। पारिवारिक साथ प्राप्त होला। वाणीमा मिठास आउला। कुटुम्ब वृद्धि हुनेछन्।
मकर राशि – कार्य सम्पादनमा समस्या आउला। मनमा चिन्ता र भय उत्पन्न होला। विश्वास गरिएका व्यक्तिले घात गर्नेछन्, सजग रहनुहोला। शरीरमा निराशा र आलस्य उत्पन्न होला। आर्थिक संकटले मनमा छटपटी हुनेछ।
कुम्भ राशि – मनमा अनेक विचार बढ्ने हुँदा अशान्ति रहला। नयाँ कार्य गर्दा सोच-विचार गरेर अगाडि बढ्नु होला। निर्णय क्षमता कमी आउला। आर्थिक क्षेत्रमा कठिनाइ आउला। स्वास्थ्यमा ध्यान दिनु होला।
मीन राशि – नयाँ काम सुरु गर्न सकिने समय रहेको छ। मान-प्रतिष्ठा बढ्नेछ। सामाजिक कार्यमा प्रेरित भइएला। नयाँ ज्ञान सिक्ने मौका मिल्नेछ। अरूलाई छिट्टै प्रभावित पार्न सकिनेछ। कार्य सम्पादनमा सहजता आउला। पारिवारिक सद्भावमा मिठास आउला। आँटेका कार्यहरू विस्तारै अगाडि बढ्नेछन्।
ज्योतिषाचार्य तथा वास्तुविद्: माधवा शर्मा
सचिव: नेपाल ज्योतिष परिषद्, लुम्बिनी प्रदेश
मनकामना ज्योतिष तथा वास्तु परामर्श केन्द्र, तुलसीपुर
फोन: ९८४८०६०७९९
