आज २०८१ साल कात्तिक ४ गते आइतबार तदनुसार सन् २०२४ अक्टोबर २० तारिख। कात्तिक कृष्ण पक्षको तृतीया तिथि। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ईकापी न्यूजका लागि ज्याैतिषाचार्य तथा वास्तु विद् माधवा शर्माले तयार पार्नुभएको आजको फलादेशः
मेष राशि: आर्थिक सुधार हुनेछ। महत्वपूर्ण कार्य सम्पन्न हुनेछ। कार्य क्षेत्रमा तपाईँको नेतृत्व क्षमता बढ्नेछ। मन प्रफुल्ल रहला। सामाजिक कार्यमा मन जानेछ। स्वास्थ्यमा ख्याल राख्नु होला, विशेषत: मानसिक स्वास्थ्यमा विचार गर्नुहोला।
वृष राशि: आत्मविश्वास बढ्नेछ। हिम्मत र आटले आज कार्य सम्पन्न हुनेछन्। भौतिक सम्पत्ति जोड्न सकिनेछ। भौतिक सुख पनि मिल्नेछ। पारिवारिक प्रेममा सुमधुरता छाउला। स्वास्थ्यमा सुधार हुनेछ। खानपान र जीवनशैली परिवर्तन गर्नु होला। स्व-निर्णयले जीवनमा नयाँ परिवर्तन ल्याउला।
मिथुन राशि: आर्थिक क्षेत्रमा सोचेअनुरुप सफलता मिल्ने छैन। आयव्य, लाभहानि दुवै व्यहोर्नु पर्ला। पारिवारिक सन्तुलन कायम राख्न ध्यान दिनु पर्नेछ। आर्थिक लेनदेनमा ख्याल राख्नु होला। स्वास्थ्यमा भने ख्याल राख्नु होला।
कर्कट राशि: धार्मिक एवं सामाजिक कार्यमा रुचि बढ्ला। अध्ययन अनुसन्धानमा मन जाला। अभिभावकको सल्लाहले तपाईँको इज्जत धेरै बढ्नेछ। तपाईँको क्षमताको कदर हुनेछ। मान सम्मान मिल्नेछ। विश्लेषण क्षमता उच्च रहला।
सिंह राशि: सोचेअनुरुप कार्यमा सफलता मिल्ने छैन। पारिवारिक जीवनमा केही चुनौतिहरू आउन सक्छन्। तर, सेयर बजारबाट फाइदा हुनेछ। कूटनीतिक कार्यमा सफलता मिल्नेछ। आर्थिक सुधार हुनेछ। स्वास्थ्यमा सुधार हुनेछ।
कन्या राशि: जोशजागर र हिम्मत बढ्नेछ। आज तपाईँको आत्मविश्वास उच्च हुनेछ। दाम्पत्य जीवनमा खुसीयाली छाउनेछ। प्रेमी-प्रेमिका बीच सुमधुर सम्बन्ध रहला। शत्रु पराजित हुनेछन्। नाम, प्रतिष्ठा एवं कीर्ति बढ्नेछ। स्वास्थ्य बिग्रन सक्छ, ख्याल राख्नु होला।
तुला राशि: महत्वपूर्ण कार्यमा बाधा आउला। मन स्थिर राख्नाले कार्य सम्पादनमा सहजता हुनेछ। अलिक परिश्रमपूर्ण दिन रहनेछ र सफलता पनि मिल्ला। सामाजिक कार्यमा मन जाला। धार्मिक कृत्यमा सरिक भइएला। दिन प्रेमिल हुनेछ।
वृश्चिक राशि: आकस्मिक धन प्राप्त होला। खानपान तथा रमाइलो यात्रामा रुचि बढ्नेछ। वाणीको प्रशंसा बढ्नेछ। साहसिक निर्णयले कार्यक्षेत्रमा प्रगति दिलाउला। अधुरो कार्य पुनः सुचारु हुनेछन्। मिष्ठान्न भोजन प्राप्त होला। नयाँ कार्यको योजना बन्नेछन्।
धनु राशि: अधुरा कार्य पूर्ण हुनेछन्। धर्मकर्ममा मन जाला। आत्मविश्वास उच्च रहनेछ। आफ्नो क्षेत्रमा प्रभुत्व जमाउन सकिनेछ। आर्थिक पक्षमा सुधार हुनेछ। सामाजिक कार्यमा रुचि बढ्ला। पारिवारिक सन्तुलन कायम रहला।
मकर राशि: नयाँ वस्त्र वा अलंकार प्राप्त हुनेछ। मनोरञ्जनमा दिन बित्नेछ। बौद्धिक कार्यमा सफलता मिल्नेछ। संगीतमा रुचि बढ्नेछ। आफन्तको सहयोगले कार्य सम्पादनमा सहयोग पुग्नेछ। पारिवारिक सन्तुलन राख्नु पर्नेछ। स्वास्थ्यमा भने ख्याल राख्नु पर्ला।
कुम्भ राशि: आर्थिक चुनौती भने व्यहोर्न पर्ला। अधिकार प्राप्तिको लागि संघर्ष गर्नुपर्नेछ। साहित्यिक क्षेत्रमा रुचि बढ्नेछ। मन अलिक खिन्न होला। कार्यमा उत्तरदायित्वको कदर हुनेछ। स्वास्थ्य भने ख्याल राख्नु पर्ला।
मीन राशि: सामाजिक कार्यमा मन जाला। सृजनात्मक कार्यमा रुचि बढ्नेछ। नयाँ कार्यका नयाँ योजना बन्नेछन्। बौद्धिक निखारता बढ्नेछ। परीक्षा वा प्रतिस्पर्धामा सफलता हात पर्ला। पारिवारिक सद्भावमा मिठास आउला। आत्मबल उच्च हुनेछ।
ज्योतिषाचार्य तथा वास्तु विद्: माधवा शर्मा
सचिव: नेपाल ज्योतिष परिषद् लुम्बिनी प्रदेश
मनकामना ज्योतिष तथा वास्तु परामर्श केन्द्र, तुलसीपुर, क लाइन, जेसिस चोक, दाङ
फोन नं: 9848060799
