दाङ, २९ असोज । दशैँको बिदामा बन्द रहेका सरकारी कार्यालय आजदेखि खुल्ने भएका छन् । असोज २४ गते फूलपातीदेखि बन्द भएका सरकारी कार्यालय ५ दिने दशैं बिदा सकिएसँगै आजबाट खुल्न लागेका हुन् ।
दशैं बिदा सकिएसँगै विभिन्न जिल्ला तथा गाउँबाट कर्मथलो फर्कनेहरुको संख्या बढेको छ । दशैं विदाको अन्त्यसँगै बजारहरुमा चहलपहल बढेको छ ।
आजदेखि सबै सरकारी कार्यालय लगायत बैंक तथा वित्तीय संस्थाहरु खुला रहनेछन् । आज १० बजे कार्यालय आउनेहरु सोमबार नै गन्तब्यमा पुगिसकेका छन् ।
विशेष गरी बसाईसराई, नोकरी र अध्ययन लगायत विभिन्न शिलसिलामा बाहिर रहेकाहरु दशैं मनाउँन पुख्र्यौली थलो घर फर्कने गर्दछन् ।
प्रकाशित मिति : २०८१ असोज २९ गते मङ्गलवार
