दाङ, १४ साउन । दाङमा मोटरसाइकल दुर्घटना हुँदा बाँकेका एक जनाको मृत्यु भएको छ । आफैले चलाएको मोटरसाइकल अनियन्त्रीत भई दुर्घटना हुँदा बाँके कोहलपुर नगरपालिका वडा नम्बर १० का अन्दाजी ४०/४२ वर्षका पुष्कर बहादुर सुनारको मृत्यु भएको जिल्ला प्रहरी कार्यालय दाङले जनाएको छ ।
मोटरसाइकल दुर्घटनामा परी घाइते भएका सुनारको लमही अस्पतालमा उपचारको क्रममा मृत्यु भएको जिल्ला प्रहरी कार्यालय दाङका प्रहरी नायव उपरिक्षक रामप्रसाद तिमल्सिनाले जानकारी दिनुभयो ।
आज सोमबार पुर्बपश्चिम राजमार्गमा पश्चिम बाट पुर्ब तर्फ जादै गरेको रा ३ प ७११४ नम्बरको मोटरसाइकल अनियन्त्रित भई लमही नगरपालिका-८ असानिमा दुर्घटना भएको प्रहरी नायव उपरिक्षक तिमिल्सीनाले जानकारी दिनुभयो । घटना बारे थप अनुसन्धान भइरहेको प्रहरीले जनाएको छ ।
प्रकाशित मिति : २०८१ साउन १४ गते सोमवार
