दाङ, ५ साउन । दाङमा मोटरसाइकलको ठक्करबाट एक जनाको मृत्यु भएको छ भने एक जना गम्भिर भएका छन् । मोटरसाइकलको ठक्करबाट घोराही-१६ निवासी ३८ वर्षिय नारायण पोख्रेलको मृत्यु भएको जिल्ला प्रहरी कार्यालय दाङले जनाएको छ ।
प्रहरीका अनुसार घोराही बजारबाट सर्रातर्फ जाँदै गरेको लु ४५ प ७४२५ नम्बरको मोटरसाइकलले सर्रास्थित सिप्रद्धि टाटा स्वरुम नजिकै सडकमा हिडिरहेका पोख्रेललाई शुक्रबार साँझ साढे ९ बजेको समयमा ठक्कर दिएको हो ।
मोटरसाइकलको ठक्करबाट गम्भिर घाइते भएका पोख्रेलको राप्ती स्वास्थ्य विज्ञान प्रतिष्ठान घोराहीमा उपचारकै क्रममा मृत्यु भएको हो । दुर्घटनामा घाइते भएका पाल्पाको माथागढी गाउँपालिका-१ का २६ वर्षिय तेज बहादुर रेशमीको भैरहवामा उपचार भैरहेको प्रहरीले जनाएको छ । उहाँको अवस्था गम्भीर रहेको छ ।
प्रकाशित मिति : २०८१ साउन ५ गते शनिवार
