तुलसीपुर, २४ असार । दाङको तुलसीपुरमा मोटरसाईकलले ठक्कर दिँदा एक बालिका घाइते भएकी छन् । मोटरसाइकलको ठक्करबाट तुलसीपुर-७ कालाखोलाका झक्कु प्रसाद भण्डारीको छोरी ४ वर्षीय सदिक्षा भण्डारी घाइते भएको प्रहरीले जनाएको छ ।
घाइते सदिक्षालाई टाउको र शरिरमा चोट लागेको छ । उहाँको अबस्था मध्यम रहेको छ । घाईते बालिकाको राप्ती लाईफ केयर अस्पताल मोतिपुरमा उपचार भईरहेको ईलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
आज सोमबार करिब १० बजेतिर तुलसीपुरबाट घोराहीतर्फ जाँदै गरेको रा १ ब १०४१ नम्बरको मोटरसाइकलले पैदल यात्रु भण्डारीलाई कालाखोला नजिकै ठक्कर दिएको थापाले बताउनुभयो ।
मोटरसाइकल चालक बबई गाउँपालिका ४ का ३० वर्षका आसकुमार राना उपचारमा संलग्न रहेको प्रहरीले जनाएको छ ।
प्रकाशित मिति : २०८१ असार २५ गते सोमवार
