दाङ, १४ असार । तुलसीपुरमा मोटरसाइकल दुर्घटना हुँदा दुई जना घाईते भएका छन् । घाईतेमध्ये एक जनाको अवस्था गम्भिर रहेको छ ।
दुर्घटनामा परी तुलसीपुर-१६ बस्ने बर्ष २० का सागर नेपाली गम्भिर घाईते हुनुभएको छ । उहाँको छातिमा चोट लागेको छ । उहाँलाई उपचारका लागि नेपालगञ्ज लगिएको छ ।
यस्तै सोहि ठाउँका ३५ वर्षका तारा बहादुर धितालको टाउको र खुटामा चोट लागेको छ । उहाँको अवस्था मध्यम रहेको इलाका प्रहरी कार्यालय तुलसीपुरका प्रहरी प्रवक्ता प्रहरी निरिक्षक प्रकाश थापाले जानकारी दिनुभयो ।
तुलसीपुर-१२ पुकार पसलबाट मलवारतर्फ जाँदै गरेको रा३ प ३७५० नम्बरको मोटरसाइकल शुक्रबार (आज) बेलुका सात बजेतिर तुलसीपुर-१२ ग्वारखोला पुलमा आफै अनियन्त्रीत भएर दुर्घटना भएको हो । अनियन्त्रित भएर मोटरसाईकल सडकबाट करिब १५ मिटर तल खसेको प्रहरीले जनाएको छ ।
प्रकाशित मिति : २०८१ असार १५ गते शुक्रवार
