दाङ, १४ असार । सेन्टर माध्यमिक विद्यालय तुलसीपुरले शुक्रबार खेलाडीलाई नगदसहित सम्मान गरेको छ । विद्यालयले एन्फा दाङले आयोजना गरेको विद्यालयस्तरिय फुटसल प्रतियोगितामा सहभागी भएका खेलाडीलाई नगदसहित सम्मान गरेको हो ।
विद्यालयका प्रधानाध्यापक भागवत पौडेलले जनही २ हजारसहित सम्मान गर्नुभएको हो । प्रतियोगितामा सहभागी भएका १० जना खेलाडीलाई सम्मान गरिएको विद्यालयले जनाएको छ ।
शिक्षासंगै खेलकुदलाई प्राथमिकतामा राखेको विद्यालयले खेलाडीको हौसलाका लागि विद्यालयस्तरिय फुटसल प्रतियोगितामा सहभागी भएका खेलाडीलाई नगदसहित सम्मान गरेको हो ।
विद्यालयले दक्ष खेलाडी उत्पादनका लागि निरन्तर खेलकुद गतिविधिहरु गरिरहेको र खेलाडीको हौसलाका लागि नगद प्रदान गरिएको प्रधानाध्यापक पौडेलले बताउनुभयो ।
प्रकाशित मिति : २०८१ असार १५ गते शुक्रवार
