दाङ, १४ जेठ ।
दाङ र आसपासका क्षेत्रमा नेपाल टेलिकमको नेटवर्कमा समस्या आएको छ । बिहान करिब पौने १० बजेतिरबाट समस्या आएपछि दाङसहित रोल्पा, सल्यान, रुकुम लगायतका ठाउँमा टेलिफोन सेवा अवरुद्ध भएको हो ।
लमही-घोराहीको बिचमा फाइबरमा समस्या आएका कारण टेलिफोन सेवा अवरुद्ध भएको नेपाल टेलिकम तुलसीपुरका प्रमुख सन्तोष शर्मा अधिकारीले जानकारी दिनुभयो ।
चौपट्टाको मन्दिर नजिकै डोजरले फाइबर काटेका कारण समस्या आएको उहाँले बताउनुभयो । अहिले लमहीबाट आएको ईन्जिनियरहरुको टोलीले मर्मत गरिरहेको उहाँले बताउनुभयो ।
प्रकाशित मिति : २०८१ जेष्ठ १४ गते सोमवार
