दाङ, २९ चैत ।
सिलिकन एजुकेशनको तुलसीपुर शाखा संचालनमा आएको छ । मनिसजंग शाह, बिष्णु पोखरेल, मनिष भूषाल, प्रतिक भुषाल र आशिष देवकोटा तुलसीपुर शाखा संचालनमा ल्याउनुभएको हो ।
पाँच जना युवामध्ये बिष्णु पोखरेल ९ वर्षअघि विदेशमा हुनुहुन्थ्यो । अध्ययनका लागि दक्षिण कोरिया पुगेका पोखरेल सन् २०१५ तिर कोरियामा जानुभएको हो । उच्च शिक्षाका लागि कोरिया पुगेका पोखरेलले अध्ययन संगै रोजगारी गरेर मासिक नेपाली ३ लाख ५० हजार बढी कमाउने गर्नुहुन्थ्यो ।
तर उच्च शिक्षा कोरियामा हासिल गरेपछि उहाँलाई कोरियामा बस्न मन लागेन । ‘पैसा धेरै नै कमाउन सकिन्थ्यो, तर विदेशमा बसेर भन्दा नेपालमै पनि केहि गरौँ भनेर स्वदेश फर्किएको हुँ ।’ उहाँले भन्नुभयो-‘विदेशमा पैसामात्रै छ, तर स्वदेशमा परिवार छ, समाज छ , यसकारण पनि स्वदेशमा केहि गर्न खोजेको छु ।’
उहाँसहित पाँच जना युवाले अहिले तुलसीपुरमा सिलिकन एजुकेशनको शाखा संचालनमा ल्याउनुभएको हो । ३५ लाख बढीको लगानीमा तुलसीपुरमा सिलिकन एजुकेशन संचालनमा आएको हो ।
दक्षिण कोरिया, अष्ट्रेलिया, अमेरिका लगायतका ठाउँमा उच्च शिक्षामा जान चाहनेका लागि सिलिकन एजुकेशन संचालनमा ल्याएको तुलसीपुर शाखाका सिईओ पोखरेल बताउनुहुन्छ । ‘विदेशमा ज्ञान सिप आर्जन गरेर स्वदेशमा आउनुपर्छ ।’ उहाँले भन्नुभयो-‘उच्च शिक्षा हासिल गरेपछि म पनि स्वदेशमा फर्किएको हुँ ।’
अध्ययनका लागि कोरियासहित अष्ट्रेलिया, अमेरिका लगायतका देशमा जान सकिने उहाँले बताउनुभयो । तर विदेशमा अध्ययन गरेर नेपालमै फर्किने वातावरण निर्माणका लागि सिलिकन एजुकेशनको भूमिका प्रमुख हुने उहाँले बताउनुभयो ।
यसैबिच शाखाको बिहिबार एक कार्यक्रमकाबिच उद्घाटन गरिएको छ ।
कोरियाबाट आउनुभएका केयुएसीका म्यानेजिङ डाइरेक्टर जुलिया जोङले सिलिकन एजुकेशन तुलसीपुर शाखाको उद्घाटन गर्नुभएको हो ।
उहाँले शाखाको उद्घाटन गर्दै नेपाली विद्यार्थी अध्ययनशिल र अनुशासित हुने बताउनुभयो । उहाँले नेपाल आउन पाउँदा निकै खुशि लागेको बताउनुभयो ।
त्यस अवसरमा तुलसीपुर उपमहानगरपालिका वडा नम्बर ७ का अध्यक्ष राम बहादुर जिसीले विदेशमा अध्ययन गरेर स्वदेशमा फर्किने वातावरण निर्माण गरिनुपर्नेमा जोड दिनुभयो ।
यस्तै हाम्रो पहुँच बहुउद्देश्यीय सहकारी संस्था लिमिटेडका सिइओ जनक भण्डारीले युवाहरु अध्ययनका लागि विदेश गएपनि स्वदेशमा फर्किनुपर्ने बताउनुभयो । उद्घाटन कार्यक्रमको सहजीकरण माधवा पोखरेलले गर्नुभएको हो ।
