तुलसीपुर, ७ फागुन । दाङका १४ वर्षिय बालकले जहाज बनाएका छन् । अर्घाखाँचीमा जन्मिएर अहिले घोराही उपमहानगरपालिका-१८ नवलपुरमा बस्दै आएका १४ वर्षिय सक्सेस जिसीले बनाएको जहाजको सोमबार टरिगाउँ विमानस्थलमा परिक्षण गरिएको छ ।
उडाइएको हवाईजहाज बनाउन व्रसलेस मोटर,कन्ट्रोलर र व्याट्री प्रयोग गरिएको छ । जहाज निर्माणका लागी अहिले सम्म २० हजार रुपैँया खर्च भइसकेको छ । हवाईजहाजलाई रेडियो मिटरको सहायताले उडाईएको थियो ।
भोजराज जिसी र मिरा जिसी एक्लो सन्तान जिसिको लगनशिलता र मेहनतबाट परिवार र विद्यालय पनि उत्साहीत रहेको गुरुकुल तुलसीपुरका प्रधानाध्यापक मुकुन्द गिरीले बताउनुभयो ।
यस्तै नवप्रतिभाहरुलाई विद्यालयले प्रोत्साहन गर्ने गरेको छ। सक्सेसले तयार गरेको हवाईजहाजबाट आफु उत्साहित भएको प्रधानाध्यापक गिरीले बताउनुभयो ।
यसअघि उनिहरुको समुहले लाइन फोलोइङ रोवोट,ड्रोन लगाएतका सामाग्री निर्माण गरेर परिक्षण समेत गरिसकेको छ । कक्षा ९ मा चालु शैक्षिक वर्षमा गुरुकुल एकेडेमी घोराहीमा सक्सेस भर्ना भएको विद्यालयले जनाएको छ ।
सक्सेसको जहाज उडाउने सपना टरिगाँउ विमानस्थलमा भएको नमुना उडान परिक्षणमा सक्सेस भएको गुरुकुल एकेडेमीका सिइओ इन्जिनीएर अन्नतराज घिमिरेले बताउनुभयो ।
