२०८१ बैशाख ५ गते बुधवार

ब्लु हाउसलाई गोरखा रनिङ शिल्ड

तुलसीपुर, १५ पुस । गोरखा ईन्टर हाउस खेल सप्ताह २०८० को बिजेता ब्लु हाउसले गोरखा रनिङ शिल्ड जितेको छ । गोरखा माबी तुलसीपुरले आफ्नो वार्षिक क्यालेन्डर अनुसार आयोजना गरेको खेल सप्ताहमा १४ स्वणर्, १२ रजत र ५ कास्य पदक हात पार्दै ब्लु हाउसले गोरखा रनिङ शिल्ड जितेको हो ।

त्यस्तै रेड हाउसले १० स्वणर्,१२ रजत र ५ कास्य पदक हात पार्दै द्वितिय हुदा ग्रीन हाउस ४ स्वणर्,७ रजत र ११ कास्य पदकका साथ तृतिय भयो । त्यस्तै एल्लो हाउस ४ स्वणर्,७ रजत र ८ कास्य पदक हात पार्दै सान्त्वना भएको गोरखा माबी तुलसीपुरका प्रधानाध्यापक बिजय जिएमले जानकारी दिनुभयो ।

यसैबिच भलिबल, फुटबल, एथलेटिक्स लगाएतका बिधामा एक साता सम्म संचालन भएको खेल सप्ताहको आइतबार भब्य समारोहका बिच समापन गरिएको छ । कार्यक्रमको समापन समारोह गोरखा ग्रुपका अध्यक्ष तथा माबी गोरखाका अध्यक्ष मान बहादुर बुढाको अध्यक्षता तथा न १९ बाहिनी अड्डाका बाहिनीपति लेफ्टिनेन कर्नेल घनश्याम भट्टराईको प्रमुख आतिथ्य एवं गोरखा ग्रुपका उपाध्यक्ष विष्णु घर्तिमगर र दाङ जिल्ला खेलकुद बिकास समितिका कोषाध्यक्ष ध्रुब आचार्यको विशिष्ट आतिथ्यमा भएको थियो ।

गोरखा ग्रुपका शैक्षिक निर्देशक दुर्गा बहादुर केसिको स्वागत रहेको कार्यक्रममा बिधालयका खेलकुद संयोजक मोहन सुनारले विद्यालयले खेलकुदका क्षेत्रमा गरेको लगानी र हाल सम्म हासिल गरेको उपलब्धिका बारेमा प्रकास पार्नु भएको हो । गोरखा माबी तुलसीपुरका प्रावि संयोजक कमल भन्डारीले संचालन गरेको कार्यक्रममा विभिन्न भेषभुषा,कला संस्कृती, झल्कने नृत्य प्रस्तुत गरिएको थियो ।

प्रकाशित मिति : २०८० पुष १५ गते आइतवार
प्रतिक्रिया दिनुहोस