दाङ, १९ बैशाख । दाङमा ट्रक पल्टीदा दुई जना घाइते भएका छन् । घोराही-तुलसीपुर सडक खण्ड अन्तर्गत तुलसीपुर-१७ फोर्टिनाईन चोकमा भएको दुर्घटनामा परी ट्रक चालक तुलसीपुर-१७ का ३७ वर्षका गिरीराज चौधरी र सहचालक दंगिशरण-१ का १८ वर्षिय सहचालक राम चौधरी घाईते हुनुभएको छ ।
दुवैजनालार्ई सामान्य चोट लागेको छ । दुवै जनाको राप्ती प्रादेशिक अस्पतालमा उपचार भइरहेको छ । चन्द्रौटाबाट तुलसीपुर आउदै गरेको ना ५ ख ९२९५ नम्बरको ट्रक मंगलबार बिहान साढे पाँच बजेतिर दुर्घटना भएको हो ।
ट्रकले मोटरसाइकलाई साइड दिने क्रममा सडक साँघुरो हुँदा दुर्घटनामा परेको प्रहरी चौकी हेमन्तापुरले जनाएको छ ।
चन्द्रौटाबाट २१ टन भुटेको चामल बोकेर आएको ट्रक दुर्घटनामा परेको बिजौरी ट्राफिक बिटका प्रमुख बिष्णु न्यौपानेले जानकारी दिनुभयो ।
प्रकाशित मिति : २०८० बैशाख १९ गते मङ्गलवार
