प्युठान, २८ चैत । प्युठानमा ट्याक्टर दुर्घटनामा परी एक जनाको मृत्यु भएको छ भने तीन जना घाइते भएका छन् । माण्डवी गाउँपालिका-५ रम्दीमा मंगलबार (आज) बिहान साढे ८ बजेतिर भएको ट्याक्टर दुर्घटनामा परी नौबहनी गाउँपालिका -१ ठुलागाउँका २५ वर्षिया चम्फा विकको मृत्यु भएको हो ।
दुर्घटनामा परी गम्भिर घाइते विकको जिल्ला अस्पताल बिजुवारमा उपचारका क्रममा मृत्यु भएको प्रहरीले जनाएको छ ।
दुर्घटनामा परी अरु ३ जना घाईते भएका छन् । दुर्घटनामा परी ट्याक्टर चालक नौबहिनी-५ का १९ वर्षीय बिक्रम परियार, ट्याक्टरमा सवार नौबहिनी-१ ठुलोगाउँका १८ बर्षीय दुर्गा बिक र गौमुखी-६ का २० वर्षिय बिक्रम बोहरा घाईते भएको जिल्ला प्रहरी कार्यालय प्युठानका सुचना अधिकारी सुशील थापाले जानकारी दिनुभयो ।
चेरनेटा रम्दी सडकको नाला बनाउन खोलातर्फ गिट्टी बोक्न जाँदै गरेको रा १ त ४१७६ नम्बरको ट्याक्टर दुर्घटनामा परेको हो । ट्याक्टर सडकदेखी एक सय मिटर तल खसेको छ ।
