दाङ, २४ बैशाख । पश्चिम दाङमा स्कुल बसकाे ठक्करबाट माेटरसाईकलमा सवार दुई जना घाइते भएका छन् । दुर्घटनामा परी दाङकाे शान्तिनगर गाउँपालिका-२ का २३ वर्षिय विवेक रावत र माेटरसाईकलमा पछाडि सवार साेहि ठाउँका २८ वर्षिय भरत रावत घाइते भएकाे प्रहरीले जनाएको छ ।
घाइते विवेकको टाउको र दुबै खुट्टामा चोट लागेकाे छ भने उहाँको अबस्था मध्यम रहेकाे प्रहरीले जनाएको छ । यस्तै भरतको दुबै खुट्टामा चोट लागेकाे र अबस्था सामान्य रहेको प्रहरीले जनाएको छ ।
पन्चकुलेबाट हापुरेतर्फ जाँदै गरेकाे रा १ क १६३१ नं.को पिपुलेन्स सेकेण्डरी बोर्डिङ स्कुलको बसले हापुरेबाट तुलसीपुरतर्फ आउदै गरेको रा ८ प ३ नम्बरको मोटरसाईकललाई आज बेलुका ७ बजेतिर बबई गाउपालिका-५ हापुरे सामुदायिक बनकाे भवन नजिकैमा ठक्कर दिएकाे हाे ।
घटनापछि बस चालक दाङकाे बबई गाउपालिका-५ पुर्ब हापुरेका ४० वर्षिय नारायण हमाललाई नियन्त्रणमा लिएकाे ईलाका प्रहरी कार्यालय तुलसीपुरका प्रहरी निरिक्षक नवचन्द्र मल्लले जानकारी दिनुभयो ।
