दाङ, २१ फागुन । दाङसहित देशका अधिकांश ठाउँमा सोमबार बिहानैदेखि भारी वर्षा भएको छ । ‘प्रि-मनसुन’ शुरु भएपछि पहिलो पटक आइतबारदेखि दाङसहित देशभर पानी परेको हो ।
जल तथा मौसम पूर्वानुमान महाशाखाका अनुसार देशभर बदली रहनुका साथै विभिन्न ठाउँमा पानी परेको छ । कोशी प्रदेश र मधेस प्रदेशको पूर्वी भेगबाहेक देशभर पानी परेको महाशाखाले जनाएको छ ।
महाशाखाका अनुसार लुम्बिनी, बाग्मती, गण्डकी, कणर्ाली र सुदूरपश्चिम प्रदेशमा पानी परेको छ । उच्च पहाडी र हिमाली भेगमा हिमपात भएको छ । नेपालमा पश्चिमी वायुको प्रभाव कायमै रहेको तर आजदेखि मौसममा क्रमिक सुधार हुने मौसमविद्ले बताएका छन् ।
प्रकाशित मिति : २०८० फाल्गुन २१ गते सोमवार
