सल्यान, १९ माघ । सल्यानमा घाँस काट्ने क्रममा रुखबाट लडेर एक जनाको मृत्यु भएको छ । बागचौर नगरपालिका १० स्यालागाउँका ६० बर्षिय ध्वज बहादुर केसीको रुखबाट लडेर मृत्यु भएको हो ।
आफ्नै बारीमा रहेको भिमलको रुखमा घाँस काट्ने क्रममा केसी शुक्रबार बिहान ७ बजेतिर रुखबाट खसेको प्रहरीले जनाएको छ ।
घाइते उहाँको परोपकार हस्पिटल श्रीनगरमा उपचारपछि जिल्ला अस्पताल सल्यानमा लगिएको थियो । उहाँले डाक्टरले दिउँसो २ बजेतिर मृत घोषणा गरेको जिल्ला प्रहरी कार्यालय सल्यानले जनाएको छ । घटनाका बारेमा थप अनुसन्धान भैरहेको प्रहरीले जनाएको छ ।
प्रकाशित मिति : २०८० माघ १९ गते शुक्रवार
