दाङमा दुई मोटरसाइकल एकआपसमा ठोक्किदा तीन जना गम्भिर घाईते भएका छन् । घोराही उपमहानगरपालिका वडा नम्बर १३ भाईरल रोडमा सोमबार (आज) बेलुका पाँच बजेतिर रा ४ प १०८४ नम्बरको बुलेट बाइक र बा ८८ प ५५६५ नम्बरको पल्सर एनएस बाइक एकआपसमा ठोक्किएको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले ईकापी न्युजलाई जानकारी दिनुभयो ।
दुर्घटनामा परी पल्सर एनएसका चालक तुलसीपुर-८ का १९ वर्षका विप्लप अधिकारी र सोहि मोटरसाइकलमा सवार तुलसीपुर-८ का शुसीला थापा गम्भिर घाईते भएको प्रवक्ता मल्लले बताउनुभयो ।
यस्तै दुर्घटनामा परी बुलेट बाईक चालक घोराही-१५ का ३० वर्षिय सुमन चौधरी पनि गम्भिर घाइते भएको प्रहरीले जनाएको छ । घाइते अधिकारी र थापालाई राप्ती स्वास्थ्य विज्ञान प्रतिष्ठानमा सामान्य उपचारपछि जिल्ला बाहिर रिफर गरिएको छ भने चौधरीको प्रतिष्ठानमै उपचार भइरहेको छ ।
