दाङ,१८ कार्तिक । भूकम्पका कारण जाजरकोट र रुकुम पश्चिममा गरी मृत्यु हुनेको संख्या १३६ पुगेको छ । नेपाल प्रहरीका अनुसार जाजरकोटमा ९८ जना र रुकुम पश्चिममा ३८ जनाको मृत्यु भएको छ ।
शुक्रबार मध्यराती ११ बजेर ४७ मिनेट जाँदा ६ दशमलव ४ म्याग्निच्यूडको भूकम्पमा परी अहिलेसम्म जाजरकोटमा महिला ६९ जना र पुरुष २९ जनाको मृत्यु भएको हो ।
पश्चिम रुकुममा महिला १९ जना र पुरुष १९ जनाको मृत्यु भएको छ । भूकम्पका कारण जाजरकोटमा ८१ जना र रुकुम पश्चिममा ७२ जना घाइते भएका छन् ।
भूकम्पपछि सरकारले गएरातिदेखि नै उद्धार थालेको छ । घाइतेको उपचारका लागि सबै संयन्त्र परिचालन गरेको सरकारले जनाएको छ ।
प्रकाशित मिति : २०८० कार्तिक १८ गते शनिवार
